Ends on July 10, 2017

Prémi Bolsa Artista di KKB (BCC)

Prizidenti di Kanbra Martin J. Walsh, Gabineti di Prizidenti Kanbra di Artis y Kultura y Kumison Kultural di Boston ta aprizenta pruméru Prémiu Bolsa Artista di Sidadi di Boston. Prémiu Bolsa Artista ta invisti na prumuson di artistas ki ta mora na Boston. Es prémiu diretu y ilimitadu ten komu finalidadi rikunhesi trabadju artístiku isepsional di tudu sidadi, ku objetivu di djuda binifisiárius a promovi ses kareras y kontinua ses trabadju na Boston ku susésu.


Prémiu

Sidadi di Boston ta bai oferesi sinku prémius bolsa, kada un na valor di 10.000 dola na 2017. Prémius ta bai ser distribuidu pa tudu disiplinas artístiku, y nunbru di prémius pa disiplina ta bai varia di akordu ku kandidaturas ki resebedu y rikumendasons di painel di avaliason. Prémius ta bai distribuidu pa tudu Boston pa artistas di un leki variadu di orijen ki ta riprizenta zonas pa tudu sidadi. Duranti kel piriúdu di 12 mes di bolsa, binifisiárius ta bai pididu pa kulabora ku Sidadi di Boston na un iventu públiku pa mostra ses trabadju individual. Trandu prémiu en dinheru, binifisiárius ta bai resebi apoiu pa dizenvolvimentu prufisional, trenamentu ispisializadu pa ses nisisidadis, y apoiu prugramátiku kolaborativu sobri iventus públiku di Gabineti di Prizidenti di Kanbra di Artis & Kultura. Binifisiárius ta bai tanbe enkorajadu a sirbi komu un júri pa Prémiu Bolsa di anu siginti.


Objetivus

  • Rikumenda trabadju di artistas istraordinárius ki ta mora na Boston y invisti na ses susésu futuru
  • Dispunibiliza rikursus nisisáriu pa artistas moradu na Boston didika ses tenpu pa kria obras di alta-kualidadi
  • Oferesi opurtunidadis di krisimentu prufisional y dizenvolvimentu di karera pa artisitas moradu na Boston; y
  • Ileva artistas lokal dentu di nos sidadi.

 

Kenha ki Podi Kandidata

Podi kandidata artistas individual ki ta trabadja komu prufisional na disiplinas di arti, inkluindu ma ka limitadu a dansa, musika, tiatu, artis visual, konpuzison di puezia/fikson, arti interdisiplinar/izibison y artis multimédia. Kandidatus ten di ser moradoris di Sidadi di Boston y ser kapaz di aprizenta dukumentason kuretu midianti pididu. Kandidaturas aprizentadu na nomi di un artista é benvindu. Premiadus ten di manti ses rizidensia durante kes 12 mes dipos di es resebi kel bolsa.


Kualifikason

  • Ten di mora na Boston, y ten planu di kontinua un morador di Sidadi di Boston duranti 12 mes dipos di resebi Prémiu Bolsa Artista si premiadu
  • Ten di ten pelu menus 18 anu di idadi
  • Ka podi sta matrikuladu na un prugrama universitáriu na ora di kandidata pa Prémiu Bolsa Artista y duranti 12 mes dipos di resebi kel Prémiu Bolsa Artista
  • Ten di ser kapaz di dimostra pelu menus trez anu di ispiriensia na kria arti atravez di prusésu di kandidatura
  • Kandidatus ten di moradu na Boston duranti trez anu antis di kandidata
  • Binifisiárius antirioris di Prémiu Bolsa Artista ka ta kualifika pa kandidata out bes pa Prémiu Bolsa Artista
  • Ten di ten un aprizentason públiku di obra duranti kel anu di bolsa
  • Binisfisiárius atual di Boston AIR (Boston Artists-in-Residence) ka ta kualifika pa kandidata

 

Dispezas Pirmitidu

Keli e un prémiu ilimitadu ki podi ser uzada pa dispezas sima binifisiáriu kre, ku intenson di da binifisiárius apoui kes mesti pa ser kapaz di kontinua ses prátika artisitiku di alta-kualidadi. Artistas na bai pididu na ses prusésu di kandidatura pa diskrevi modi ki es prémiu ta bai djuda prumovi ses kareras y modi k-es ta perspetiva uza kel prémiu.


Kalendáriu y Prusuesu di Avaliason

Kandidaturas pa Prémiu Bolsa Artista ta bai abri dia 31/05/2017. Ora ki resebedu, kandidaturas a prémiu ta bai ser prumeru avaliadu si ta kualifika y si sta konpletu. Si ta kualifika y sta konpletu, es ta bai dipos ser avaliadu pa un painel di juris di Kumison Kultural di Boston y pontuadu sigundu un grelha di avaliason. Pontuasons ta bai ser dipos dadu y kalkuladu. BCC ta bai analiza y diskuti kes kandidaturas finalistas pa aprova vensidoris di prémiu. Binifisiárius ta bai ser rikunhisidu komu Bolserus Artistikus di Boston pa un anu y es ta bai pididu pa trabadja djuntu ku Gabineti di Prizidenti di Kanbra di Artis y Kultura duranti kel tenpu pa planifika un iventu públiku pa rialsa ses obra, y pa resebi más apoiu a dizenvolvimentu prufisional y trenu. Na fin di periúdu di bolsa, binifisiárius ta bai aprizenta un rilatóriu final sobri ses ispiriénsia.  

Sign up form

Please enter a valid email address.

Your password must be at least 6 characters.